تنشيف وحرق الدهون بدون انقاص الكتلة العضلية وفي وقت قصير

ان شاء الله فى هذا الموضوع هتعرفوا ازاي تنشفوا العضلات وتنسقوا شكلها وفى نفس الوقت من غير ما حجم العضلة يقل بس المسألة عايزة شوية صبر على التمرين ، وادعوا الله ان يفيدكم هذا الموضوع.

1- لازم التدريب بتاعك يكون فيه الوزن خفيف والعدات ( الجلسات) كتيرة بمعني انك تعد مثلا 5 مجموعات × 20 عدة فى كل التمارين. 

2- لازم تاخد نفس عميق فى كل فترة راحة بين التمارين والجلسات المختلفة لان النفس دة هو اللى بيحتوي على الاكسجين اللي بيساعد بصورة كبيرة فى حرق الدهون.

3- التمرين يبقي كل يوم كل عضلة على حدة وزي ماقلت وزن خفيف عدات كتير.

4- من اهم النقط انك تمارس الجري البطئ وبعض تمارين الايروبكس من 20 : 40 دقيقة 3 ايام فى الاسبوع وكن متأكد ان دة مش هيقلل حجم العضلة بالعكس الايروبكس والجري البطئ بيعطي العضلة شكل كويس جدا بحرق الدهون اللي عليها .

لو اتكلمنا على الاكل يبقي لازم نقول الكلمتين دول :

5-تقليل الملح والسكر من الاقل .

6- منع المياة الغازية لانها بتزود الوزن بطريقة رهيبة وبعض الدراسات أكدت ان الزجاجة والاحدة من المياة الغازية تحتوي على 12 ملعقة كبيرة من السكر .

7- التقليل من الدهون والنشويات بقدر الامكان ، والتركيز على الخضروات والفاكهة بشتي انواعها .

8- اما المياة فبلاش تشرب مياة بعد الاكل مباشرة ولكن الافضل تشرب 2 كوب مياة قبل الاكل
فى كمان حاجة كويسة : طبق سلطة قبل الوجبة ب 20 دقيقة بيساعد الجسم على التخلص من النشويات والدهون كما اكد الكثير من الاطباء .

9- فى حاجة مهمة جدا وهو تناول الكروم ، الكروم دة بيعمل على التمثيل الغذائي الجيد و الاستفادة من النشويات والدهون فى صورة طاقة وليس تخزينها كدهون فى الجسم ، كما تعمل مادة الكروم على زيادة الكتلة العضلية للرياضيين

والسؤال ازاي احصل على الكروم؟؟ 
الكروم مش موجود بكثرة فى الغذاء لذلك يجب تناوله فى صورة حبوب وانا مش قصدي اعمل دعاية للمنتج لكن هقول لكم على اسمه 
اسمه هاي كروم وفى منتج تاني اسمه كروميوم 
وليس له اي اضرار جانبية 
وان شاء الله هتجدوا فرق كبير جدا بعد هذا التدريب الكامل فى التدريب والتغذية 
ارجوا انكم تجربوه وهتدعولي [/color]احب انبه لحاجة مهمة : 
ما يتضمنه هذا الموضوع ليس رأي شخصي ولكنه توليفة من اراء الباحثين والمتخصصين و الدراسات العلمية .